Masalocod tono Aping a sowal,o micicihay to rikec awaay ko pitongodan
—Nanay lahcien no Sifo ko pakayniay I kofiyang no kitakit,mipa’es to paitmek a minanam ato malalenay a micamol to demak
I kasolapan to”o pakayraan to pisiwsiw to sowal no kanatal＂o milawacoay to ponka ato o misenengay to sowal no kasafinacadan.o miliyangay to Liyanhoko to＂o kasacecay no finacadan a mamarengaw to ccay a hahicocano no rikec＂a mipa’es to pacefecen no tamdaw＂Maleangaw a tamdaw ato siciw no palacalan no kahkahalakaan no kitakit＂ato＂no kitakit a sakilisiw ato syakay a kacacayay a sapitengil to kalokitakit＂to mipa’es to ,malalikelitay、o finasong no sapicodadaw ato picamol a matayal I sifo.
Yo ikol no min-co I,ci ‘atongol a malawama I 2003 a mihcaan a mapalasawad to ko ＂sapacekal to kokoyo a rikec＂ato＂ko-I malacecayay a kasacekelan a nikasacekelan a rikec＂.mahaydato no Lipa-i-yuan ko tosa a rikec to limaay a tatodong no kitakit to pakyniay I tamdaw a rikec i ＂mifalicay to niyah a paicelang no tamdaw＂.palitacen no cuntung I 2019 a mihcaan ko ＂sapalowad to sakalacecay no sowal no kitakit a rikec＂.pahapinang to sasingodo to kasasiloma no sowal、mipa’es to kasasiloma no sowal.Nikawrira,tangasa anini ano sofitayto、o misawkitay、o pasifana'ay、o pisikingto no kitakit no sifo I,ono aping a sowal a ccay ko tahapinangan awaay kono romaroma a caciyaw,awaay ko lalowadan no rikec ,caay ka tatodong I maktonayto no Lipa-i-yuan a rikec I kitakit,miliyas to min-cu to kasasiloma no polong no kasakitakit a malaccayay a fangcaly a pinangan.
Caay ko kananaman kono aping a sowal I Taiwan.o pasumilaw no mikisangay I 2020 a mihcaan I,mata’lif ko pangkiw no falo a tatamdawan ko pasowalay to tasa a sowal I finaolan,o matomsay no kasasiloma no sowal ko Taiwan.to hatiniayto I,mapacici ko minanamay I picodadan tono Aping a sowal,saka,mafokilto tono niyah a sowal a minanam to so’osi、kasaslal、kalohkal a sifana’,ano o pisekingto no kitakit ato picodad to sulit no sifo mapalasawad ko roma a caciyaw.mato mapalowad to ko katawaan a rikec to ＂mipasata ko finawlan to sata,o sapi tna’ to sowal no tireng koya sata＂,mafokilto ko totelotloc a macaca’of a somowal,onini ko saka kton no saka fana’ to ‘orip no pangcah.caay ka lalen ko pisakirac no sifo to sapinanam a kinaila、ato mipa’es to paitmek a palowad tono tireng a fonka.
Palowad kami to sowal: (1) lahcien no sifo a midmak to rikec,palasawaden koya caay kono rikec a mipacician a Aping a kioyiko.paitmek ko sapicodadaw tono Aping, mipa’es a citodong a minanam tono tireng a sowal.a milahci to mipalowadan no Kapolongan no kanatl toya o tireng ko miktonay to sapinanamaw a＂I kalomaan no kiyoiko a kalodmak a rikec＂；(2) mipa’es to paitmek a minanam ato mitaelifay to sokaay a demak I sowal no tireng ato picamol torikec a tayal ato mang’ay a matayal tono sofitay a tayal.pakadodoto salongoc no nikalatamdaw to＂tosaay a rikec＂mipa’es a malecad a micamol I sician、ato fana’ no finacadan.
Paso’lin kami,caay ko kaletengay a tayal ko ka’aloman no kasasiloma no sowal,o paranaan no siyakay、ato saka’ikes no min-cu konini.ano sahcien ko sowal i,halo o citodongay to tayal no kakitaan no kasasiroma no kitakit tosa ko kasasiloma no sakatayal a sowal nangra、^nem ko kasasiroma no sowal to pakayniay I rikec,awaay ko kasasifod no tayal.tolo ko kasasiroma no sowl to sakatayal I kongkoan、tayal no sifo、ato tilid no rikec,caay ka sasifed a malawlaw ko finaolan,ano saccayhan no sifo ko sowal i,o naikolan to no roma a kitakit konini.a mipa’es to paitmek a minanam ato mitaelifay to sokaay a demak I,o palamitan no midodoay to rikec a kitakit konini.
Saikolay a sowal,mipo^po to kasasiloma no caciyaw o ^los no polong no kanatal. O ma’osaway a tasa polo’ a caciyaw I Taiwan sahto to o mamalasawad ito.ano haccayhan ko caciyaw I,o saka ranikay a malasawad ko fonka,o malolalan no roma a finacadan a sa’fit anoca o sapalawlaw to cacay ka so’lin a lihaf. mipa’es to caciyaw cacay ko sakifokeli,o ccay a sasafaay a kinli konini.saka,o laliyawen no sifo ko naikolan no mipa’kelay a sakowan I ‘ayaw toya mikisafaay a rikec,miliyaw a mipalowad to kalimlaan a masasilomaay a caciyaw nai tiyaayho a likakawa.
[阿美語聲明，特別感謝PCT 原住民宣教委員會提供]
