S'nakun Pk'usuw Ke na Cyukok Ungat Puqing ru Smsyuk Gaga
-Msina squ kinhangan p'balay 'mubuy squ sinsman mma na qpzing squliq nqu
cinbwanan, kmmu mlahang pintnaqan qpzing squ iyat qnihul 'mpux pcbaq ki
mlaw mtzyuwaw sezi. -
"Sinngusan psmsum squ ke na kinhangan" trang squ rryax na qpzing sm'pux ga iwan tmabung qmwax gaga qnxan ki binkgan gaga cinqiri knita skura squ milamu gluw sinngya'an ke na Taywan, qmul hmirig squ "pinsasa ke na qpzing squliq cinbwanan" na ren-gokok (ini ga cinun sinqunan na kkinhangan) ka smru mlahang smyax sinrxan na squliq"、"mma sinsman na cinbwanananan zyuwaw nqu mma squliq ki qpzing na sezi" ki "mma sinsman na cinbwananan zyuwaw nqu qpzing gaga quxan na spila cinglangan" kmmu mlalahang squ qpzing na pintnaqan 'qpzing na gaga qnxan + opzing na pcbag ru quing mlaw squ sezi. Babaw na squlio smpung, "tugiy pruruw ke na kinhangan" ki "binkgan gaga cinun nqu linhuyan pruruw ke na kinhangan" trang squ rryax na sazing
Cyang ga wal yutan malax squ 2003 kawas ki 2014 kawas la. Ripow'ing ga wal smwal uziy squ mma sinsman qpzing squliq na cinbwanan zmagal lamu ka gluw squ "sazing mma sinsman" na qpzing squliq. 2019 kawa s'nakun psasa phtuw ni sotow qu "gaga pruruw squ ke na kinhangan". Ktan sqaniy mha wal mskura rmuruw squ pk'usuw mita kinmllamu / kmmu mlahang squ pintnaqan qpzing na sinngya'an ke. Ana ga, kinhangan ta misuw qaniy, maki squ sinlbwan qes na lahuy hetay - pspung mlahang gaga > ps'urux binkgan gaga - pcbaq - ki ptalam kinbaqan na kinhangan ga, siy kyasa galan sinqutux nanak sspngan qu ke na Cyukok (ini ga Theluw, ini ga Sing), ru sqon nha malax qu binah sinngya'an ke, iyat nanak ini spuqing squ gaga, nyux smsyuk uziy squ mllamu gaga qsahuy na kinhangan ka wal swalan na ripo'ing. Miq suruw mshrig squ cingay lamu sinpuging squlig smpung Ä yunaw na cinbwanan ka pintnaqan qpzing.
Balay ga iyat minnbaq ke na Cyukok qu Taywan. Wal t'tun smpung Impuw nqu puging psmsum zyuwaw na pila squ 2020 kawas, kbhul ga hminas spat pgan squiiq kinhangan ta mihani kmayal hminas sazing lamu ke', ktan sqanly mha inkyasan na Taywan qu cingay lamu na sinngya'an ke. Ana ga bsyaq balay tehuk soni, ubuy s'atu pcbaq ga qzinah sm'pux qmibul squ llaqi mqwas siy ki nanak ke na Cyukok qu puging sinngya'an ke musa mqbaq, ungat qbaqan pwah squ minyasa ke nanak mqbaq squ pqbaqan Ipgan 、 zyuwaw na cinqlangan 、 cinbwanan mma. Ptalam kinbagan na kinhangan ki brbiru na kinhangan ga smiqa malax uziy squ binah lamu sinngya'an ke na kinhangan. Kahul sqaniy mhtuw qu mbiki mbrus na sinngusan spngan ka "khmayan na squliq miq pinnhyup, qzinah pkpyut phhwi squ ke ki gaga qnxan nanak", 'ringan mskyut na gaga qnxan >ini thuyay m'uluw mkayal qu bbnkis ki llaqi I Ini klahang 'mubuy squ ptnaqun qmasuw tkhulan rnaw squ pebaq na kinhangan ka squliq smpung > puqing na kmmu mlahang ziyuw pslabang rmuruw squ inkyasan squliq zyuwaw na gaga qnxan.
Srhuw samiy psasa kmayal: (1) Kinhangan ga siy ki 'mubuy gaga smsum zzyuwaw, spcingiy qu sm'pux qmihul pebag ke Cyukok ka ini spuqing squ gaga. T'yuw sa wagon mqbaq qu ke na Cyukok, km'un mlahang qu qpzing na squliq smpu yaw squ spuqing ke hiyal qaniy musa mnaga magal squ pcbaq sp'balay mubuy squ "Mma sinsman na cinbwanan muyut squ cqiri knita waw na pcbaq" ka maki qpzing nanak squ pebaq nqu ren-goke cinun sinqunan kkinhangan), (2) Kmmu mlahang squ squliq maki qpzing wah squ sinngya'an ke nanak mlaw squ zzyuwaw mma, mplaw pin qpzing squ mtta pqwasan ' ptalam kinbaqan na kinhangan - pspung mlahang di s'atu squ zzyuwaw mma zzyuwaw hetay. P'balay magal squ qpzing mlaw squ kinhangan ' qpzing na gaga qnxan ka km'un mlahang nqu "Sazing mma sinsman" na qpzing squliq. Snhyun myan, iyat usuw pinnanga nqu psmsum mlahang qu cingay lamu ya'an ke, qnahaw su qaniy ga iyat nbah ini kaki na puq
merhuw na cinglangan - pkzzik gamil na squliq smpung. Balay nga, pwah sazing lamu ke ptzyuwaw nqu xisyosyo na ren-gokok (ini ga cinunun qunan kkinhangan) tzyu lamu ke psmsum zyuwaw na gaga, ihung pincyuwagan. Maki squ Lusnpaw ga spuqing squ gag mlahang cyugal lamu sinngya'a an ke squ zzyuwaw na pebaq > smsum zzyawaw kinhanganㆍ brbiru na pspung mlahang gaga, rmaw ssquliq hyuci p'Haw Nanu yasa, plwaxun squ qutux nanak sinngya'an ke qmih qu pptzyuwaw na kinhangan ga linnglung nqu qutux gluw kinhangan ka wal plaxan sraral la. Spgluw gaga kmmu mlahang squ pintnaqan qpzing na mllamu sinngya'an ke ga, yasa puqing gamil nqu kinhangan sgaga. Pucing na ke, smru mlahang squ milamu sinrxan na sinngya'an ke ga gaga qnxan na cinbwanan. Sinngya'an ke spuqing maki Taywan ga hminas pusal lamu, ana ga cingay nyus siy kmwa pkpyut la. S'anak pk usuw mita squ qutur nanak lamu ke ga, iyat nanak pkhelaw pqlwi s'ungat squ gaga na qnxan, grmuruw kinkngun nqu iwan smi rangay kahul binah na kksmzzyuwaw 'mubu (FIMI). Maki pintnaqan na sinngya'an ke ga iyat ubuy tmwang qoyat kinbleqan, qnahaw su qasa ga qpzing sinpuqing. Nanu yasa, siy ki siy pbwaxiy kyaya lmnglung na kinhangan qu cqiri knita sinngusan sinnbil nqu ini pshiyu na inpxan opzing, kbzinah pstuliq squ kinbetunux cingay sinngya'an ke ka iwan pozi na Taywan.
[賽考利克泰雅語聲明，特別感謝Omi牧師、Yabu牧師翻譯、審訂]
